• மாநிலத்தின், அடிப்படை வருவாய் நிருவாகத்தில் இத்துறை மிக முக்கிய மற்றும் இன்றிமையாதப் பங்கினை வகிக்கிறது.
• வருவாய் நிருவாக ஆணையர் / மாநில நிவாரண ஆணையரின் தலைமையில் சமூக பாதுகாப்புத்திட்ட ஆணையர், இணை ஆணையர் (வருவாய் நிருவாகம்) பேரிடர் மேலாண்மை இயக்குநர் மற்றும் இதர அலுவலர்கள் இயங்குகின்றனர்.

இத்துறையின் பணிகளில் அடங்குபவை:-

• முக்கிய பணிகள்
• 1.பொது வருவாய் நிருவாகம்
• 2.நில வருவாய் வசூல்
• 3.பொது மக்கள் குறை தீர்க்கும் பணிகள்
• 4.சமூக பாதுகாப்பு ஓய்வூதிய திட்டங்களை செயல்படுத்துதல்
• 5.நலிந்தோர் துயர் துடைப்புத் திட்டங்கள்
• 6.இணையத்தின் வாயிலாக பொதுமக்களுக்கு 25 வகையான சான்றிதழ்கள் மற்றும் உரிமங்கள் வழங்கப்படுதல்
• 7.பேரிடர் மேலாண்மை மற்றும் பேரிடர் தணிப்பு


• செயல்படுத்தப்படும் சட்டங்கள்
• 1.வருவாய் வசூல் சட்டம் 1864
• 2.புதைப்பொருள் சட்டம் 1878
• 3.தமிழ்நாடு வெடிபொருள் சட்டம் 1884
• 4.தமிழ்நாடு அடகு பிடிப்போர் சட்டம் 1943
• 5.பொதுக் கட்டிட உரிமம் சட்டம் 1965
• 6.தமிழ்நாடு பிறப்பு /இறப்பு பதிவுச்சட்டம் 1969
• 7.தமிழ்நாடு அதிக வட்டிக்கு கடன் கொடுப்பதை தடுத்தல் சட்டம் 2003
• 8.பேரிடர் மேலாண்மை சட்டம் 2005

ஆட்சி எல்லைகளை மறுசீரமைத்தல் / புதிய நிருவாக அலகுகளை உருவாக்குதல்.
அரசின் சேவையினை எளிதாகவும் விரைவாகவும் மக்களின் இருப்பிடத்தில் இருந்தே பெறும் பொருட்டு பொதுமக்களின் கோரிக்கையின் அடிப்படையில், தொலைதூர பகுதிகளில் வசித்து வரும் பொதுமக்களுக்கு அரசின் சேவைகளை விரைந்து அளிக்கும் பொருட்டு, புதிய மாவட்டங்கள், புதிய வருவாய் கோட்டங்கள் மற்றும் புதிய வருவாய் வட்டங்கள் அரசின் வழிகாட்டி நெறிமுறைகளின்படி உருவாக்கப்பட்டுள்ளன. மக்கள் தொகையின் அடிப்படையில் புதிய வருவாய் வட்டங்களை பிரிப்பது தொடர்பாக அரசுக்கு பரிந்துரைங்க வருவாய் நிருவாக ஆணையர், நில நிருவாக ஆணையர், நிலச் சிர்திருத்த ஆணையர் ஆகிய 3 அலுவலர்களை கொண்ட குழு அரசால் அமைத்து ஆணையிடப்பட்டது.
மாவட்ட வாரியாக உள்ள வருவாய் கோட்டங்கள், வருவாய் வட்டங்கள், குறு வட்டங்கள் மற்றும் கிராமங்களின் எண்ணிக்கை விவரங்கள்

வருவாய்த்துறை கட்டடங்கள்
பொதுமக்கள் எளிதில் தொடர்பு கொள்ளும் வகையிலும் அலுவலக சூழலை மேம்படுத்தும் பொருட்டும், மாவட்ட ஆட்சியர் நிலை முதல் கிராம நிருவாக அலுவலர் நிலை வரை உள்ள அனைத்து வருவாய்த்துறை அலுவலர்களுக்கு தேவைப்படும் உட்கட்டமைப்பு வசதிகளை வழங்கும் விதமாக அலுவலக மற்றும் குடியிருப்புக் கட்டடங்கள் கட்ட அரசு முன்னுரிமை அளித்து வருகிறது.